‹‹ኦቨር ወጣሁ!››

-



‹‹ኦቨር ወጣሁ…›› አለችው ፊቷ ላይ በሚነበብ ጀግንነት፡፡ ምን ለማለት እንደፈለገች ቢገባውም በእነዚህ  ሁለት ቀናት ውስጥ የጠፋችበትን ምክንያት ማስረዳት መጀመሯ እንደሆነ ገብቶታል፡፡
‹‹ባይዘዌይ ለሳምንት ያህል ስልኬ ዝግ ይሆናል›› ይሄኔ ነገር ገባው መሰለች ከት ከት ብሎ ሳቀ፡፡
ፍቅር በሳምንት ውስጥ ክንፍ ያደርጋል፤ ነገር ግን ፍቅር በሁለት ቀን ውስጥ ይፈርሳል ብሎ አስቦትም አያውቅም ነበር፡፡
ፍቅር ሲያልቅ የሚታዩ ምልክቶችን እያየባት እንደሆነ ቢገባውም ከጀርባ የሆነ ነገር ሳይኖር እንደዚህ እንዳልሆነ ሆዱ ያወቀ ይመስል
‹‹የተፈጠረ ችግር አለ?›› ጠየቃት
‹‹ ኸረ በፍፁም…›› ከራሷ ጋር እየታገለች ትናገራለች፡፡ ምክንያቶቿ ሁሉ እርስ በእርስ መምታታቱ ትልቅ መልስ ነውና ዝምታን መረጠ፡፡
ከዛች የኦቨር ምሽት በኋላ  የመጣችው ፍቅሩ የእርሱ እንዳልሆነች ሲታወቀው፤ የሣምንቱ የፍቅር እብደት ማስታወስ ቀለለው ለውስጡ ሰላም ሲል፡፡
‹‹እንደዚህ ማንንም ወድጄ አላውቅም››
‹‹ከእንግዲህ በኋላ ጊዜዬን ላንተ ብቻ እሰጣለሁ››…….. እነዚህን የፍቅር ዜማዎች በሰማበት አንደበት  እነ ‹ኦቨር ወጣሁ›… ‹ባጋጣሚ ስላልተመቸኝ ላይህ አልችልም› የመሰሉ ማባረሪያ አዘል መልሶችን ሲሰማ ህሊናው ሞገተው
ይህ አይነት የፍቅር ገጠመኞቹ ብዙ ቢሆኑም አሁን ግን ሁሉም የሰለቸው ይመስላል
‹ሳትቀደም ቅደም›
‹ራስህን አድን›
‹አሁንስ ከማን ጋር እንደሆነች አታውቅም ግን ያለምንም ጥርጥር…› ከራሱ ጋር የተጣላ ሲመስለው ወሰነ፡፡
‹እድሜዋ ሲሮጥ ያኔ እርሷም ራሷን ለማዳን ትሮጥ የለ› አንድ እውነት አወቀ
የሚያብሰለስለው የፍቅሩ ፍፃሜ ከአእምሮው እንደ ጉም ሲቦን ታክሲ ውስጥ ቁጭ እንዳለ ተገነዘበ
የተሾመ በየነ አዳራሹ ቤቴ የሚለው ዜማ አነቃው፡፡ ‹‹አሁን ይህን ዜማ ማን በዚህ ሰዓት አመጣው? ሲፈልጉት ያልተገኘ…› በራሱ ተበሳጨ
ግጥሞቹ ደግሞ ውሥጡን ነካኩት
‹‹አዳሽ ገብቼ ከእልፍኝ እወጣለሁ፣
ለእመቤት ታምሜ ለገረድ እሞታለሁ››
‹ሆይ ጉድ አሁን ይህን ለምን እሰማለሁ፤ ከታክሴው አልወርደ ነገር› ሲል ከውስጡ ጋር እየታገለ ፣ እያቃረው ዜማውን በግድ ይሰማ ጀመር…
ተሾመ በየነ ማዜሙን  ቀጠለ
‹‹እንዲህ አይደለም ወይ ሰው ያለቦታው
ብሳና ይሆናል ሸንኮራ አገዳው
…………
‹ዝንጀሮ በገደል አድጦት አያውቅም
እንዲህ ያለ ዘመን አጋጥሞኝ አያውቅም
ከወዲያ የመጠች ያለላሙዳይ
የሴት ባልእንጀራ ውስጥ ውስጡን ገዳይ
በእንዲያ ያለዘመን ሲመሽ ተወልጄ
 ጅቡን ጋሼ እላለሁ ውሻውን ወድጄ
ያውና እዛ ማዶ በግ ያግዳል ሰው
ካላየ ካልሰማ ባላህያ ነው
……….
ይህን የመሰለ ዘፈን በቴዘመበት ዘመን ……..ወይ ዘመን ዛሬማ ፣ ፍቅር የለ፣ ዘፈን የለ ዘፋኝ የለ፡፡ እባብ ለባብ ይተያያል ካብ ለካብ የሆነ ዘመን፡፡
.......


‹‹እኔም ኦቨር ወጣሁ፡፡ የሂይወት ኦቨር፣ ሰው የመሆን ኦቨር ወጣሁ›› ደመደመ
 


Comments

Post a Comment

Popular posts from this blog

ቪያግራም እንደ ራስ ምታት ክኒን?

-
Image
  ፋርማሲስት ወይዘሪት ዙፋን በቅርብ ጊዜያት ቁጥራቸው እየጨመረ የመጡትን የወሲብ ማነቃቂያ እንክብል ተጠቃሚዎች መብዛት ቢያስገርማትም ምክንያቱን ከብዙዎቹ ተጠቃሚዎች ትሰማለች ነገር ግን ብዙ ጊዜ ያለማዘዣ በድፍረት መጥተው ለመግዛት የሚከራከሩ ተማሪዎችን ስታይ ግን ይበልጠ ቢገርማትም ተማሪዎቹን አስረድታ ከመሸኘት ውጭ ምንም ማድረግ ባለመቻሏ ታዝናለች፡፡ « አንዳንድ ጊዜ እነዚህን ታዳጊዎች ግን የሚቆጣጠራቸው የለም እላለሁ ለራሴ » ትላለች ደግሞ ከዛ የባሰውን ሁኔታ ስታስበው « ዘንድሮ ወላጅም እኮ ተቆጣጣሪ ያስፈልገዋል አሁንማ እነሱም ፋርማሲያችንን የሚያጨናንቁት በዚሁ ቪያግራ ክኒን የተነሳ ነው፡፡ » በማለት አሁን ያለውን ሁኔታ ታስረዳለች፡፡ በአንዳንድ ፋርማሲዎቻችን ውስጥ ያለማንም ከልካይ ይሸጣል፡፡ ገበያ ላይ ከዋለበት ጊዜ ጀምሮ በመላው ዓለም ላይ ተስፋፍቷል፡፡ በሃገራችን በተለይ በመዲናችን አዲስ አበባ በስፋት ይታወቃል፡፡ የተጠቃሚውም ቁጥር ከጊዜ ወደ ጊዜ የትየለሌ እየሆነ መጥቷል፡፡ እኔም የሚነገረውን የአደባባይ ምስጢር ልፈትሽ በመነሳሳት ወደ አንዳንድ ፋርማሲዎች ጎራ አልኩ፡፡ በመጀመሪያም ያቀናሁበት ፋርማሲ እጅግ ብዙ ተገልጋይ የሚመላለስበት ቤት ነው፡፡ በቅርብ ያገኘሁትን ፋርማሲስትም ጠጋ ብዬ ቪያግራ መኖሩን ስጠይቀው፣ ‹‹ አዎን የውጩን ነው ወይስ የሃገር ወስጥ ነው የምትፈልገው ?›› ሲለኝ ‹‹ የሃገር ውስጥ›› በፍጥነት መለስኩ ‹‹ ማዘዣ ይዘሃል ?›› ጠየቀኝ ፋርማሲስቱ በትኩረት እየተመለከተኝ ‹‹ አልያዝኩም ግን ደንበኛ ነኝ›› በፈግግታ መለስኩለት፡፡ በጥርጣሬ ዓይን መልከት አድርጎኝ በፍጹም ያለማዘዣ እንደማይሸጥልኝ ቢነግረኝም በሂደት ማሳመን ስለቻልኩም ያለማዘዣ ሊሸጥልኝ ተስማማን፡፡...
Read more

ብቸኝነትና ግለኝነት የዘመኑ ወረርሽኝና ሰለባዎቹስ እነማን ናቸው?

-
በ2014 40 በመቶ አውሮፓውያን ብቻቸውን ይኖራሉ፣ በ2018 በዓለም ላይ ዕድሜያቸው 30 የገቡ ግለሰቦች መካከል 60 በመቶ የሚሆኑት የቤተሰብ ጥገኛ ይሆናሉ በ2019 ማሕበራዊ ድረገፆች ሁሉንም የዓለም ወጣት ላይ ተፅኗቸው ያርፋል፣ በ2026 በዓለም ላይ የግለኝነት ሕይወትን የሚመርጡ ወጣቶች ቁጥር ብቻ 20 በመቶ ይደርሳል፣ በ2038 ላጤዎች በአማካኝ በአንድ አገር ውስጥ ከፍተኛውን የጤና እና የአእምሮ ቀውስ ተጠቂነት የአንበሳውን ድርሻ ይይዛሉ፡፡ ዱክ ዩኒቨርሲቲ-2012(እ.ኤ.አ) እንደ መግቢያ ያስቀመጥኩት ጥናታዊ መላምት በቅርብ ጊዜ የተሰራ የምዕራባውያን ትንበያ ነው፡፡ እንደ መነሻነት  ጉዳዩ ምን ያህል አሳሳቢ እንደሆነ ለመመልከት ይጠቅማል ያሉ ተመራማሪዎች የዓለም ሕዝብ አይኑን እንዲገልጥ ሲሉ ይፋ ያደረጉት ጥናትም ነው፡፡ የወንደ ላጤና የሴተ ላጤው ቁጥር በዓለም ላይ መጨመሩ ያሳሰባቸው የዱክ ዩኒቨርሲቲ ምሁራን ስጋታቸውን ያሳዩበትም ሰንጠረዥ ነው፡፡ እያንዳንዱ ጋብቻ ወደፍቺ የማምራት ዕድሉ ከጊዜ አንጻር እየጨመረ በመምጣቱም በብቸኝነት በሽታ የሚሰቃዩ ዜጎች ቁጥርን እንደሚጨምረውም ያስረዳሉ፡፡ እስኪ ዛሬ በጥያቄ ልጀምር፡፡ ጥያቄዬን ለራሳችሁ ምላሽ ሰጥታችሁ ተከተሉኝም፡፡ ዛሬ በኢትዮጵያችን ምን ያህሎቻችን በትዳር፣አልያም ከወላጆቻችን ጋር፣ወይም በተቃራኒው ብቻችንን እየኖርን ነው ብላችሁ ትገምታላችሁ? ምን ያህል ብቻችንን ውለን ብቻችንን ማደርን እንችላለንስ? ብቸኝነታችን ምን አሳጥቶታናል፣ምንስ እንድናገኝ ረድቶናል? እነዚህን ጥያቄዎች እንደ ግለሰብ መጀመሪያ መፈተሽ ይኖርብናል፡፡ በእርግጥ ወንደላጤ አልያም ሴተ ላጤ ከሆኑ በመቀ...
Read more

ራሰ በራበት እንዴት ሊቀር ይችላል? የራሰ በራነት መድሐኒቶችስ ምን ያህል ውጤታማ ናቸው?

-
Image
ሜዲካል ጋዜጣ ሳይንስ ፌቸር     በዘመነ ዮሐንስ ራሰ በራ ነዎት? ወይስ ራሰ በራ ሰው በቤትዎ አለ? እርስዎስ ፀጉርዎ ገባ ገባ፤ሸሸት ሸሸት ማለት ጀምሮብዎ ይሆን? ራሰ በራ የሆነ ሰው ሲመለከቱ ምን ይሰማዎት ይሆን? አንዳንዶቻችን መምለጥ የስነልቦና ተፅዕኖ አሳድሮብን ይሆናል፡፡ በተለይ ምዕራባዊያን መላጣ ወንዶች የሴቶችን ቀልብ የመግዛት ግርማቸው እንደሚገፈፍ ያምናሉ፡፡ በእርግጥ ይህ በግልፅ ምክንያቱ ባይታወቅም በኛም ሀገር ተመሳሳይ ሁኔታዎች እንዳሉ ከሴቶቻችን ሁኔታ መረዳት ይቻላል፡፡ ይም ሆነ ይህ መምለጥን አስቀድመን ማስቀረት እንችላለን? በቅርቡ ለሕትመት የበቃን አንድ ጥናት ባነበብኩ ወቅት ለፅሑፌ መነሻ እንዲሆን ሻትኩ፡፡ ጥናቱ እስከዛሬ ስለራሰ በራነት ያልተነገሩ እውነታዎችን ለማስነበብ በቅቷል፡፡ በመሰረቱ ራሰ በራነት በጥንት ዘመን መጥፋት ሲገባው በትንሽ የዘረመል ስሕተት ከትውልድ ትውልድ ሊተላለፍ የበቃ ለአብዛኞቹ የራስ ምታት፤ ለዘመኑ ተመራማሪዎች የስራ ዕድል የፈጠረ መሆን ችሏል፡፡ አለመታደል ሆኖ ነው እንጂ የራሰ በራነት የዘረመል ቀመር ድሮ የሰው ልጅ የዝግመተ ለውጥ ውስጥ ሲያልፍ ሊጠፋ ሲገባው በትንሽ አጋጣሚ ከዘር ዘር እየተባዛ አሁን ላይ ላለው በሚልዮን ለሚቆጠረው ወፈሰማይ ሕዝብ መለያ ምልክት ሆኖ ሊቀር ችሏል፡፡ ሰዎች ለምን ፀጉራቸው ይሳሳል በመጨረሻም እንዴት ሊመለጥ ይችላል ብለን ብንጠይቅ አያሌ ምክንያቶችን እንሰማለን፡፡ ነገር ግን የሰው ፀጉር በምንም ዓይነት መልኩ ቢወድም ተመልሶ መብቀል እስከቻለ ድረስ አብዛኞቹ ምክንያቶች ተቀባይነትን ያጣሉ፡፡ አዲሱ ጥናት ምን ይላል? አብዛኞቹን ከዚህ ቀደም የነበሩ ጥናቶችን ይደግፋል፡፡ በዚህ መሠረትም አብዛኛው መላጣ ግለ...
Read more