zemen blog

የዕለት ተዕለት ውሏችንን የሚያፋልስ፣ዕቅዳችንን የሚያናጋ፣ጊዜያችንን የሚጣብብ ነገር ቢኖር ወረፋ፣የቢሮ መስተንግዶ ምናምን ነው … ምክንያት ብላችሁ ስትጠይቁም … የመልካም አስተዳር ችግር፣የአገልግሎት አሰጣጥ ችግር ምናምን ይሏችኋል … እናም በአንድ የመንግስት መስሪያ ቤት አንድ ጉዳይ ለማስፈጠም ሰሞኑን ስመላስ ከረምኩላችሁ፤ምንም መፍትሔ ላላመጣ፡፡ ምክንያቶቹን ብደረድርላችሁ አሰልቺ ይሆናሉና ልለፈው … እናላችሁ በዚህ ጭንቀት ውስጥ አንድ መፍትሔ ብልጭ አለልኝ ‹‹ ለምን የፈረንጅ ግንባር አልጠቀምም ›› አልኩ ለራሴ፤ ጉዳዩን ለ ‹ ፈረንጅ › ማለትም ለአለቃዬ አስረዳሁና ወደዛው የመንግስት መስሪያ ቤት ይዣት አመራሁ፡፡ እውነት እላችኋለሁ ብዙ ቀን ደጅ ያስጠናኝ ግለሰብ በፈገግታ አለቃዬን ተቀበላት፡፡ ማመን አልቻልኩም፡፡ አይቻልም ያለው ጉዳይ አሁን ያልቃል ሲል በተሰባበረ እንግሊዘኛ ዘፈነላት፤ ወይኔ ሀበሽ !... ቁጭቴ ስላበረደልኝ እስኪበርድልኝ ውጭ ወጣሁ … አለቃዬም ጉዳዩን ፈፅማ ተመለስን በፈጠርኩ ዘዴ ብደነቅም በሁኔታው ደግሞ ንዴቴ አንግብግቦኛል፤ ለምን እንደሆነ ከራሳችን ይልቅ ለፈረንጅ መስገድን እንመርጣለን፣እነሱም ይህን ስለሚየውቁ በሚገል የውሸት ፈገግታ እቃ እቃ ይጫወቱብናል !............... ዘይገርም ነገረ ሀበሽ እንግሊዝኛ ማወቅ የቋንቋ ሳይሆን የእውቀት መለኪያ የሆነበት ባለስልጣኖቻችን ሁሉ ብቃታቸውን ለመፈተሽ በተሰባበረ እንግሊዝኛ ሳይቀር በዓለም ሕዝብ ፊት የሚዋረዱበት፣በየትምህርት ቤቱ ሁሉ አማርኛ ማውራት...

ይህን የመሰለ የመልካም ምኞት ሰሌዳ ከመግቢያው ላይ ባያንጠለጥልም ወደኛ ሰፈር የመጣ እንግዳ ወይም ቱሪስት አልያም ፀጉረ ልውጥ ፤ በድሆች ማህበራዊ መስተጋር ሊደመም ይችላል፡፡ የዛሬን አያርገውና ድሃ ደልቶት የሚኖርበት፣ የዛሬን አያርገውና ሰክሮ እርስ በእርስ የሚፈረካከስበት፣ የዛሬን አያርገውና ሚስትና ባል የሚወሽሙበት፣የሚወሻሸሙበት ሰፈር ነበር፡፡ የኛን ሰፈር ከእርስዎ ሰፈር ለየት የሚያደርገውን የቱሪስት መስህቦቹን ካላወቁ እኔ ትንሽ ልጠቋቁምዎ፡፡ አያርገውና የገቡበት ሰፈር የማያውቁት ከሆነና ግራ ከገባዎ እኛ ሰፈር ደርሰው ይሆናልና አንዳንድ ግራ የሚያጋቡ ነገሮችን ሊያስተውሉ ይችላሉ፡፡ ግር እንዳይልዎ አሁንም እነዚህን ነገሮች በደንብ ያጢኑ፡፡ ገና ታክሲ ከመያዥያው፣ከባስ መጠበቂያው ስፍራ ‹እምቢኝ፤ አልሰለፍም› ያለ ወፈ ሰማይ ሕዝብ ካዩ ለታላቁ ሽኩቻ ራስዎን ያዘጋጁ፡፡ ሴቶቹ አይጋፉም ብለው ካሰቡ ተሳስተዋልና ነቃ ይበሉ፡፡ ነፍሰ ጡር ናትና ብለው ከተሳቀቁም ተሳስተዋል፡፡ ይህን የግፊያና ሽኩቻ ትዕይንት ተሳታፊ ሆነው በድል ከተወጡ ወደኛ ሰፈር እየሄዱ እንደሆነ አይጠራጠሩ፡፡ በገቡበት ታክሲ ውስጥ ጆሮዎን ከሚከታትፉ የከተፋ ቤት ዘፈኖች ጋር እየተደናቆሩ እንዲሄዱ ከተፈረድብዎ በእርግጥም ወደኛ ሰፈር እየመጡ ነውና ቅር አይበልዎ፡፡ እንደውም ጥቂት ዘፈኖችን በተደጋጋሚ እንዲሰሙ ከተገደዱ የኛ ሰፈር ታክሲ ውስጥ ነዎት ማለት ነው፡፡ ወገብ ከሚይዝ ተራራ ጋር መኪናዋ ግብ ግብ ከገጠመች በእርግጥም ወደኛ ሰፈር እየገቡ ነውና የወንበርዎን ቀበቶ ጠበቅ ያርጉ፤ታክሲ ውስጥ ከሆኑ ደግሞ የሱሪዎን ቀበቶ ያጥብቁ ምክንያቱም እነዚህ ሁለት አቀበቶች በየቀኑ የሆሊውድ አስፈሪ ፊልሞችን የሚያስንቁ አደጋዎች ያለምንም ቀረፃ የሚያስተናግዱና እርስ ...

ልጅነትን ከሚያጣፍጡት እውነታዎች አንዱ ለነገሮች የምንሰጠው ልጅነታዊ እይታ ነው፡፡ መብላት፣ መጠጣት ፣መጫወት እንደምንም ብሎ ትምህርት ቤት አለመሄድ፤ በተለይ ነገ ትምህርት የለንም ወንዳታ! አቤት ደስ ሲል ፡፡ ልጅነት ደስ የሚል ጅልነትም ነው፡፡ ስለ ሒይወት የምንሰጠው ትርጉም፣ስለስነፍጥረት በራሳችን እውነት ነው ብለን የምንይዘው አቋም ወዘተ ልጅነትን እንድናፍቅ ያደርገኛል፡፡ ከልጅነት አሳዛኙና ቁጭትን የሚጭረው ነገር ቢኖር ልጆች እንደ ልጅ ተጫውተው፣ተጣልተው፣ተፋቅረው፣ሁሉን ነገር ሆነው ማደግ ያልቻሉ የያኔ አበባዎች የዛሬ ጎልማሶችና ወጣቶች ወይም አዛውንቶች ሕይወት ብቻ ነው፡፡ ያም ሆነ ይህ ስለ እነዚህ አይነት ልጆች ወደፊት የሚለው ነገር ብዙ ቢኖረኝም ለዛሬ ግን አንድ ጥሩ ትውስታ ልጫርባችሁ፡፡ ይህ ትውስታ የኔ ብቻ ሳይሆን የብዙዎቻችሁ ነው ብዬ አስባለሁ፡፡ ድሮ ድሮ ነው፡፡ ጧት ጧት፡፡ በተለይ ሰኞ ሰኞ ፡፡ ወደ ትምህርት ቤት መሔድ ከሚጠሉት ተማሪዎች መካከል አንዱ ነበርኩ፡፡ በተለይ ሀይስኩል ላይ ትልቁ ፈተናዬ ከአልጋዬ ላይ መውረድ ነው፡፡ እኔ ከአልጋዬ ላይ ከምወርድ ሀገር በአፍጢሟ ብትደፋ ይቀላል፡፡ ሁል ጊዜ ጧት ጧት ውዷ እናቴ ጋር ከባድ ጦርነት እንገጥማለን፡፡ ፋዘር በዚህ ሰጣ ገባ ውስጥ ጣልቃ ለለመግባት ይጥራል፡፡ እርሷ ዝም ባትለውም ገለልተኛ አካል ለመሆን ይጥራል፡፡ ጧት በተለይ ሰኞ ጧት ይህ የተለመደ የማዘርና የኔ ጦርነት ዛሬ ላይ ፈገግ ከሚያደርጉኝ ትዝታዎቼ ውስጥ ትልቁ ነው፡፡ የሁለት ሰዓት ዜና ተነቦ ሲጠናቀቅ ይህ የተለመደና አንዳች ሃይል ያለውን ዜማ ስሰማ ስቅቅ ይለኛል፤ ብቻ በእንቅልፍ ልቤ ሆኜ አዳምጠዋለሁ፡፡ ‹‹የኢኮኖሚ ዋንጫ ቡና ቡና. ……………………. አውዳ ነው ቡናችን ቡና ቡና›› ግጥሙን በደን...